RUWATAN SENGKALA NAGARI BUR MANUK

Sakawit saka pra­karsane Sang Prabu Anusapati. Panje­nengane ngasta Raja ing krajan Singhasari, kagungan ker­sa nganakake Ruwatan Sengkala Nagari Bur Manuk ing Candi Kidal.

Ancase ora liya kanggo ngluwari sukerta para kawulane lan keng ibu (Ken Dedes) saka sukerta lan panjiret kahanan panguripan padinan. Senadyan ruwatan iki asifat tradhisional, ananging nalika pambukane adicara secara Na­sional jangkep.

1. Nguman­dhang­ake lagu kebangsaan “Indonesia Raya”
2. Ngeningake cipta, Pembacaa teks Pancasila (di pandhegani dening Sekcam Kec. Tumpang)
3. Menyanyi lagu Garuda Pancasila. Kapungkasan lung tinapen Tirta suci, kang banyune dijupuk saka 9 sumber. Tirta suci kasebut tinampa de­ning pak Rabun (sesepuh lan juru kunci) Candi Kidal. Miturut katrangan kang tinampa penulis, Pak Rabun anggone ngasta juru kunci wis 50 taun.

Lumakune Adicara

Adicara sateruse yaiku tanggap sab­da. Sepisan lapuran Panitya, ing babagan iki katindakake dening Bapa Ki Sutrimo. Dene tanggap sabda candhake dening perwaki­lan/utusan saka PB.XIII Surakarta. Kapungkasan tanggap sabda lan arahan Bp. Rendra Kresna (Bupati Malang) ing babagan iki disesulihi Kadis Budpar Kab. Malang. Adi cara iki bisa lumaku sukses lan lan­car, karana ora sethithik par­tisipasi sutresna Budaya kang nyengkuyung, murih regenging swasana ruwatan. Binuka kanthi pasugatan Tari Putri Sekar Segara, sen­dratari crita rakyat kang melegenda, mawa irah-irahan “Garudeya” saka Sang­gar Tari “Setyo Utomo” Ds. Pulu­ngan. Ora kalah wigatine Tontonan rak­yat Banthengan “Satrya Muda” saka Ds. Bumi aji Kodya Batu.

Adicara Maburake Manuk

Nyaketi pungkasane adicara ruwatan, para tamu undangan (Pejabat Pemkab) lan perwakilan saka Surakarta, Blitar lan Legian (Bali) katuran munggah teras, wigatine katuran ngaburake manuk. Kan­thi aba-aba saka panjenengan Ki Su­trima, sawise ngendika, Hong wilaheng sekar buwana langgeng, manuk-manuk Dara diaburake kasusul manuk-manuk saka Priyayi kang ndherek diruwat.

Saparipurnane ngaburake manuk saka teras kang dhuwur, para tamu ka­turan manunggal ing papan pambo­janan, wigatine padha kembul andra­wina. Sadurunge pucuking tumpeng katigas, diwacakake pandonga kanthi basa Jawa alus. Mangkono sakedhep netra, swasana Ruwatan Sengkala Na­gari Bur-Manuk, kang dianakake ing plataran Candi Kidal, dina Kamis Paing, tgl. 12 Juni 2014 kepungkur.